Tanınmış azərbaycanlı fəal cənab Abbas Lisani tutuqlandığı gündən aclıq aksiyasına (etisabe ğəza) başlayıb.

Ərdəbildə yayılan çağırış vərəqələrinə görə, Ərdəbil əhalisi qarşıdan gələn 1-ci gün (doşənbə günü) Urmu Gölü ilə bağlı Kütləvi Etiraza hazırlaşır. Bu isə ETTELAAT (İran Kəşfiyyat Nazirliyi) məsullarını təşvişə salıb və Ərdəbilli milli-mədəni fəallara qarşı təzyiqlər artıb.

Dünən səhər vaxtlarında cənab Lisaninin tutuqlanmasıda bu tip təzyiqlərin sırasındadır. Tanınmış azərbaycanlı fəallın yaxınlarının məlumatına əsasən, cənab Lisani tutuqlandığı andan aclıq aksiyasına başlayıb. O, bu tutuqlanmanı təmami ilə qanunsuz hesab edir. Daha bir məlumata görə, cənab Lisaninin tutuqlanması Ərdəbil əhalisinin ciddi narahatlığına səbəb olub və şəhər əhalisi bir-birlərinə mesaj ataraq, bu hadisədən narahat olduqlarını bildiriblər. Onlar, gələcək günlərdə keçiriləcək Kütləvi Etirazlarda aktiv olacaqlarını da bəyan ediblər.