Tanınmış azərbaycanlı milli-mədəni fəal Abbas bəy Lisaniyə müdafiəsini təşkil etməyə məhdudiyyət qoyulub.

Hazırda həbsdə olan A. Lisaninin müdafiəsini təşkil etmək üçün vəkil tutulsa da, bu vəzifəni icra edəcək Məhəmmədrza Fəqihiyə azərbaycanlı hüquq müdafiəçisi ilə görüşə imkan yaradılmır. Bu barədə APA  İrandakı mənbələrə istinadən xəbər yayıb.

 ETTELAATın (İran Kəşfiyyat Nazirliyi) Ərdəbil şəhər şöbəsinin əməkdaşları tərəfindən tutulan A. Lisani 3 gün öncə ailəsi ilə telefon əlaqəsi saxlayıb və tutulduğu gündən aclıq aksiyası (etisab-i ğəza) keçirdiyindən səhhətində ciddi problemlərin olduğunu söyləyib. A. Lisaninin harada saxlanılması və ona qarşı irəli sürülən ittiham barədə məlumat verilmir. Qeyd edək ki, Abbas Lisani Ərdəbil şəhərində Urmu gölü ilə bağlı keçirilən etiraz yürüşləri ilə əlaqədardır.